,,ონვეის” მხარდაჭერის ფუნქციონალი სპეციალურად პარტნიორი კომპანიებისთვის შეიქმნა, იმ ადამიანებისთვის, ვინც ყოველდღიურად მართავს ასობით შეკვეთას და ვისაც სჭირდება საიმედო კომუნიკაცია საკურიერო კომპანიასთან.
სერვისი ეხმარება პარტნიორებს შეკვეთების მართვასთან დაკავშირებული საკითხების სწრაფად მოგვარებაში, თრექინგის პრობლემით დაწყებული, სტატუსის განახლებითა და ჩაბარების დეტალებით დასრულებული.
მხარდაჭერის განყოფილებიდან მარტივად შეიძლება მიმართვის შექმნა და პირდაპირი კომუნიკაცია ,,ონვეის” გუნდთან. თითოეული საკითხი აღირიცხება სისტემაში და მონიტორინგის ქვეშ ექცევა, რაც უზრუნველყოფს დროულ დამუშავებასა და ეფექტიან უკუკავშირს.



უფრო დეტალურად ფუნქციონალის დადებით მხარეებზე ჩვენი პარტნიორი კომპანიის ,,ისურვეს”  სერვისის უზრუნველყოფის მენეჯერი, თათია სვანიძე გვიყვება.

როგორ იყენებს თქვენი კომპანია ონვეის მხარდაჭერის ფუნქციონალს ყოველდღიურ ოპერაციებში? (რას მოიცავს ეს პროცესი და რომელი დეპარტამენტები არიან ჩართული?

,,ჩვენი კომპანია, განსაკუთრებით გაყიდვების დეპარტამენტი, ,,ონვეის” მხარდაჭერის ფუნქციონალს ყოველდღიურად იყენებს შეკვეთების მართვის პროცესში. მათი ონლაინ პლატფორმა საშუალებას გვაძლევს, ვაკონტროლოთ ამანათების სტატუსი, მივიღოთ შეტყობინებები მიწოდების შესახებ და სწრაფად მოვაგვაროთ ნებისმიერი საკითხი მხარდაჭერის გუნდთან ერთად.”

როგორ აისახა ამ ფუნქციონალის დანერგვა გუნდის შიდა მუშაობასა და შეკვეთების მართვის ეფექტიანობაზე?

,,ფუნციონალის დანერგვამ მნიშვნელოვნად გაამარტივა გუნდის შიდა მუშაობა და გაზარდა შეკვეთების მართვის ეფექტიანობა. პირველ რიგში, მომხარებელს ეძლევა დროული ინფორმაცია ამანათის მიწოდების შესახებ; ჩვენს ყველა თანამშრომელს აქვს შესაძლებლობა, დააფიქსიროს სხვადასხვა ცვლილება და ინფორმაცია ჰქონდეს სხვა შეკვეთის დეტალების ცვლილებებზეც.” 

რა ცვლილებები შეამჩნიეთ მომხმარებლებთან ურთიერთობაში მას შემდეგ, რაც მხარდაჭერის სისტემას იყენებთ? (გაიზარდა თუ არა კმაყოფილება, შემცირდა თუ არა შეცდომები ან გაუგებრობები?

,,მას შემდეგ, რაც ონვეის მხარდაჭერის სისტემას ვიყენებთ, შეიმჩნევა რამდენიმე ცვლილება მომხმარებელან ურთიერთობაში. კმაყოფილება გაიზარდა - მომხარებელს დროულად მიეწოდება ინფორმაცია შეკვეთის სტატუსზე, რაც ზრდის მათ ნდობასა და კომფორტს; შეცდომები და გაუგებროები შემცირდა - შეკვეთის და მიწოდების პროცესების თვალყურის დევნების საშუალებით ნაკლებად ფერხდება ან იგზავნება ამანათი არასწორ მისამართზე. რა თქმა უნდა, გვაქვს გამონაკლისი შემთხვებებიც, თუმცა, მხარდაჭერის საშუალებით პრობლემა მარტივად მოგვარებადია.” 

როგორ გეხმარებათ მხარდაჭერის ანალიტიკის ნაწილი - მიმართვიანობისა და მომსახურების ხარისხის სტატისტიკა - პროცესების გაუმჯობესებაში? (გამოგიყენიათ თუ არა მონაცემები გადაწყვეტილებების მისაღებად ან გუნდის მუშაობის გასაუმჯობესებლად?

,,ხშირია მისამართის, თანხის, ნივთის რაოდენობისა და წონის ცვლილება. როგორც აღვნიშნე, ყველა თანამშრომელს აქვს შესაძლებლობა შეკვეთაზე ცვლილების დაფიქსირების, ინფორმაციის მოძიების. შესაბამისად, ეტაპობრივად ვაკვირდებით, ძირითადად, რომელი საკითხია აქტუალური შეკვეთის დეტალების ცვლილებასთან დაკავშირებით, რომ საკურიეროსთან ნივთის გაგზავნამდე მოგვარდეს მომხარებელთან ესა თუ ის საკითხი.”

რომელი ელემენტი ან შესაძლებლობა აღმოჩნდა ყველაზე პრაქტიკული თქვენი გუნდისთვის ამ ფუნქციონალში?

,,ყველაზე პრაქტიკული ელემენტი ჩვენი გუნდისთვის არის შეკვეთებზე ცვლილებების რეალურ დროში დაფიქსირების შესაძლებლობა. ეს ფუნქცია საშუალებას გვაძლევს სწრაფად დავარეგულიროთ შეცვლილი მონაცემები, ყველა დეპარტამენტმა მიიღოს ერთი და იგივე განახლებული ინფორმაცია, მინიმუმამდე დავიყვანოთ შეცდომები მიწოდების პროცესში, მომხარებელთან კომუნიკაცია იყოს უფრო ეფექტური და დროული. ამ საშუალებით გუნდის მუშაობა გაცილებით ორგანიზებულია, განსაკუთრებით დატვირთულ პერიოდებში.”

,,ონვეის” მხარდაჭერის სერვისი ტექნოლოგიურად ისეა მოწყობილი, რომ მომხმარებელთან კომუნიკაცია არ გაწყდეს არც ერთ ეტაპზე. როცა პარტნიორი კომპანია ქმნის მიმართვას, მაგალითად, შეკვეთის სტატუსის განახლების თაობაზე, მოთხოვნა ავტომატურად ფიქსირდება სისტემაში. პროცესი ჩანს რეალურ დროში - განახლებები, პასუხები და სტატუსის ცვლილებები აისახება პარტნიორის პირად კაბინეტში.
მომხმარებელი, ანუ საბოლოო მიმღებიც კი, არ რჩება ინფორმაციის გარეშე. მას ეგზავნება SMS შეტყობინებები შეკვეთის სტატუსზე - როდის არის გზაში, ჩაბარებულია თუ დაგეგმილია ახალი მიწოდება. ეს გამჭვირვალე კომუნიკაცია ამცირებს გაუგებრობებს და ზრდის ნდობას როგორც ონლაინ მაღაზიასა და მომხმარებელს შორის, ისე პარტნიორსა და ,,ონვეის” გუნდს შორის.

გარდა ამისა, მხარდაჭერის მოდულს აქვს ანალიტიკური სისტემა, რომელიც აჩვენებს რამდენი მიმართვა იქნა შექმნილი, რა დროში მოგვარდა და როგორია მომსახურების საერთო ხარისხი. ეს მონაცემები პარტნიორებს აძლევს საშუალებას, დაინახონ ტენდენციები, შეაფასონ სერვისის ეფექტიანობა და, საჭიროების შემთხვევაში, შეცვალონ თავიანთი შიდა პროცესები.

,,ონვეის” მიზანია, პარტნიორებისთვის სერვისი არა უბრალოდ გადაზიდვის ინსტრუმენტი, არამედ მშვიდი თანამშრომლობის გარანტია იყოს. მხარდაჭერის ფუნქციონალი სწორედ ამ იდეაზეა აგებული - თითოეულ კომპანიას შეეძლოს მუშაობა მშვიდად, იცოდეს, რომ ნებისმიერი საკითხი სწრაფად, გამჭვირვალედ და ადამიანურად მოგვარდება. როცა ბიზნესს ზურგს უმაგრებს ასეთი სისტემა, მეწარმე თავისუფლდება ყოველდღიური წვრილმანი პრობლემებისგან და შეუძლია ფოკუსირდეს მთავარზე - მომხმარებელსა და განვითარებაზე.