ლოგისტიკა ცოცხალი პროცესია, მიუხედავად დაგეგმილი მარშრუტებისა და დეტალურად გაწერილი გრაფიკებისა, ყოველდღიურად უამრავი გაუთვალისწინებელი ფაქტორი შეიძლება წარმოიქმნას.

როცა რაღაც იცვლება, მომხმარებელს სურს იცოდეს - რა ხდება, რატომ და როდის მოუგვარდება პრობლემა.ასეთ სიტუაციებში ყველაზე მთავარი ხდება სწორი ინფორმაციის დროული გაზიარება. სწორედ ამიტომ გადავწყვიტეთ შეგვექმნა მხარდაჭერის ახალი ფუნქციონალი.

რატომ შევქმენით მხარდაჭერის ახალი ფუნქციონალი?

როგორც მუდმივად მზარდი და მომხმარებელზე ორიენტირებული კომპანია, ყოველთვის ვეძებთ მომსახურების გასაუმჯობესებელ გზებს. დროთა განმავლობაში დაკვირვებებმა გვიჩვენა, რომ საჭირო იყო უფრო მოქნილი და ციფრული მექანიზმის შექმნა, რომელიც:

• გააადვილებდა მომხმარებლის მოთხოვნებისა და პრობლემების დაფიქსირებას
• დაგვეხმარებოდა ინფორმაციის სწრაფად დახარისხებაში
• საშუალებას მოგვცემდა სისტემატურად გაგვეუმჯობესებინა მომსახურების ხარისხი
• უზრუნველყოფდა მომხმარებლის სრულ ინფორმირებულობას - საშუალებას მისცემდა მას თვალი ედევნებინა მოთხოვნის პროცესის ეტაპებისა და პრობლემის აღმოფხვრის მოსალოდნელი ვადებისთვის
• უზრუნველყოფდა დაფიქსირებული საკითხის გონივრულ დროში გადაჭრას და მომავალში პრევენციას

ამიტომაც შევქმენით მხარდაჭერის სისტემა, რომელიც ჩვენს მომხმარებლებთან კომუნიკაციას გახდის უფრო მარტივს, გამჭვირვალესა და შედეგიანს.

,,მხარდაჭერის ფუნქციონალის შექმნის გადაწყვეტილება დაიბადა მომხმარებელთა რეალური საჭიროებების გააზრებიდან.
გვინდოდა შეგვექმნა სისტემა, რომელიც არა მხოლოდ რეაგირებას მოახდენდა პრობლემებზე, არამედ მოახერხებდა მათ პრევენციას, შეძლებდა არსებული პროცესების ანალიზსა და მუდმივ გაუმჯობესებას.ჩვენი მიზანია მომხმარებლებს ჰქონდეთ სრული კონტროლის შეგრძნება მათი ამანათების მოგზაურობაზე, ხოლო შეფერხების შემთხვევაში - ინფორმაცია მოგვარების სავარაუდო ვადის შესახებ’’. _ სანდრო გაგუა, ონვეის გენერალური მენეჯერი 

როგორ მუშაობს ონვეის მხარდაჭერის სისტემა?

მხარდაჭერის ფუნქციონალით  შეძლებთ სულ რამდენიმე წუთში დააფიქსიროთ პრობლემური საკითხი ან უკუკავშირი.
ვებ-გვერდზე ხსნით მხარდაჭერის განყოფილებას

შემდგომ ირჩევთ მიმართვის გახსნას, ეს არის უკუკავშირის ფორმა, სადაც:

• მიუთითებთ მიმართვის მიზანს
• დეტალურად აღწერთ პრობლემას კომენტარის სახით და საჭიროების შემთხვევაში დაურთავთ ფოტო მასალასაც.

მიმართვის გაგზავნის შემდეგ:

• მიიღებთ უნიკალურ მიმართვის ნომერს
• ხოლო, როდესაც ონვეის გუნდი დაამუშავებს დაფიქსირებულ საკითხს, ნომერზე მიიღებთ SMS შეტყობინებასაც, რომელშიც მითითებული იქნება ინფორმაცია, თუ რა ზომები მივიღეთ და რა ვადებში იგეგმება დაფიქსირებული საკითხისა თუ პრობლემების აღმოფხვრა.

ეს სისტემა განსაკუთრებულად მნიშვნელოვანია ჩვენი ბიზნეს პარტნიორებისთვის:

• კომპანიებს შეუძლიათ უშუალოდ თავიანთი პორტალიდან, კონკრეტულ თრექინგ-ნომრებზე დააფიქსირონ მიმართვები, მიიღონ ინფორმაცია დაფიქსირებული საკითხის სავარაუდო მოგვარების დროზე, გაეცნონ სტატისტიკურ ნაწილს, სადაც კვირის, თვის ან წლის ჭრილში ნახავენ დაფიქსირებული მიმართვების ტიპებსა და რაოდენობას, რაც ერთის მხრივ მათ დაეხმარება მათი საქმიანობის შეფასებასა და მომსახურების ხარისხის გაუმჯობესებაში.
• ხოლო ჩვენ, როგორც სერვისის მიმწოდებლ კომპანიას, მხარდაჭერის ფუნქცონალი დაგვეხმარება პრობლემების ადრეულ ეტაპზე გამოვლენასა და გადაჭრაში,  რესურსების სწორად მიმართვასა და საბოლოოდ მოქნილი და ეფექტური მომსახურების შექმნაში.

გვჯერა, რომ პროფესიონალიზმი მდგომარეობს არა შეცდომების არარსებობაში, არამედ პრობლემების დროულად და ეფექტურად გადაჭრის უნარში.

სწორედ ამ პრინციპით ვმუშაობთ ონვეიში და ვცდილობთ ყოველთვის ვიყოთ თქვენთვის სანდო პარტნიორი.