ადამიანები ორ კატეგორიად იყოფიან - ისინი, ვინც საახალწლო საჩუქრებს წინასწარ ყიდულობენ და ნაძვის ხის გაწყობისას ლამაზად შეფუთულ ყუთებს იქვე აწყიბენ და ისინი, ვინც ამ საქმეს ბოლო წუთებისთვის იტოვებენ. თუ უკანასკნელ კატეგორიაში ხარ, კეთილი იყოს შენი მობრძანება, ეს ბლოგი სწორედ შენთვისაა. 

საახალწლო პერიოდი ისედაც სავსეა ხმაურით, საცობებით, გამოცარიელებული მაღაზიებითა და გაუთავებელი რიგებით. ამას თუ იმასაც დავუმატებთ, რომ ყველასთვის იდეალური საჩუქრის მოძენა გინდა, მაგრამ დროის დათმობა - არა, სიტუაცია სწრაფად იქცევა პატარა ქაოსად. და სწორედ აქ იწყება ონლაინ შოპინგის ნამდვილი მაგია.

როგორ გადაარჩენს ონლაინ შოპინგი შენს ნერვებს?

ონლაინ ვაჭრობა ახალ წელს მხოლოდ კომფორტი აღარ არის, ეს სტრატეგიაა.

• არ დგახარ საცობებში;
• არ ისმენ წუწუნს უსასრულო რიგებში;
• არ გიწევს „ჭიდაობა” სასურველ ნივთებზე;
• შეგიძლია ღამით, ჩაით ხელში, მშვიდად შეარჩიო საჩუქრები.

და რაც მთავარია, საკურიერო მომსახურება ხდება პროცესის ყველაზე მნიშვნელოვანი ნაწილი. საჩუქარი ხომ მაშინ არის საჩუქარი, როცა დროულად და უსაფრთხოდ მივა ადრესატამდე. აქ თამაშში ერთვება ,,ონვეი”. როცა შენ სახლში ხარ, ჩვენი კურიერები მოძრაობენ მთელი ქვეყნის მასშტაბით და თოვლის ბაბუის როლს ასრულებენ.

ვის რა ვაჩუქოთ?

დედებს უყვართ საჩუქრები, რომლებსაც ეტყობა, რომ ფიქრით არის შერჩეული. ნუ გადააქცევთ საერთო მოხმარების ნივთებს დედების საჩუქრად. შეიძლება ისინი დიასახლისები არიან, მაგრამ საყოფაცხოვრებო ტექნიკა მათ პერსონალურ საჩუქრად არ ითვლება.აჩუქეთ მათ

• ისეთი თავის მოვლის პროდუქცია, რომელსაც საკუთარი თავისთვის ვერ გაიმეტებდნენ;
• ბრენდული სამოსი ან ფეხსაცმელი;
• ძვირფასი აქსესუარები.

მამებს უფრო პრაქტიკული საჩუქრები მოსწონთ, მაგალითად

• ავტომობილის აქსესუარები;
• ხელსაწყოები;
• სალაშქრო ნივთები.

ბებია-ბაბუების საჩუქრების არჩევისას ემოცია ყველაზე მნიშვნელოვანია. ეს ის ადამიანები არიან, რომლებსაც ვერც ძვირიანი და ვერც პრაქტიკული ნივთებით ვერ გააოცებ, მათ ხომ ეს ყველაფერი უკვე გამოიარეს. ახლა ბებია-ბაბუებისთვის თბილი, ემოციური და ოჯახთან დაკავშირებული საჩუქრებია ყველაზე ძვრიფასი.

• ოჯახის წევრების ფოტოებით დაპრინტული პლედი;
• ფოტოალბომი;
• ხელნაკეთი საოჯახო ნივთები;
• რეცეპტების წიგნაკი.

მეგობრებისთვის საჩუქრის შერჩევა ყველაზე მარტივია - რაც შეიძლება სასაცილო და თქვენს ისტორიებზე დაფუძნებული ნივთები ყველა მათგანს გაუხარდება.

პარტნიორს რა აჩუქო, ეს ჩვენზე კარგად შენ იცი, მაგრამ ერთ-ორ რჩევას მაინც მოგცემთ. გაიხსენე მნიშვნელოვანი თარიღები, მისი საყვარელი სურნელი, რისი კეთება უყვარდა ბავშვობაში და საახალწლო საჩუქარი რომელიმე მათგანს დაუკავშირე.

პრაქტიკული რჩევები ბოლო წუთის მყიდველებისთვის

1. არ ეძებო „იდეალური“, ეძებე „შესაფერისი“

იდეალურის ძებნისთვის დრო აღარ გაქვს. მთავარია, საჩუქარი ადრესატის ხასიათს უხდებოდეს ან, როგორც მინიმუმ, პრაქტიკული დანიშნულება მაინც ჰქონდეს.

2. შეამოწმე მიწოდების ვადები

საახალწლო პერიოდში ეს კრიტიკულად მნიშვნელოვანია. სანდო საკურიერო ნიშნავს ნაკლებ სტრესს.

3. ერთ პლატფორმაზე იყიდე რამდენიმე საჩუქარი

ერთ სივრცეში სხვადასხვა საჩუქრის ძებნა უფრო მარტივია, ასე დროსაც დაზოგავ და საკურიეროსაც გაუმარტივებ საქმეს.

4. მიანდე შეფუთვა პროფესიონალებს

ბევრ ონლაინ მაღაზიას უკვე აქვს შეფუთვის სერვისი, შენ რატომ უნდ აიტკიო თავი?! თანაც, ნაადრევად საჩუქრებზე არ გიზრუნია და, დიდი ალბათობით, არც შეფუთვების მარაგი გექნება სახლში.

ახალი წელი არ არის იმისთვის, რომ დაიღალო. ამ დღესასწაულს მაგურს სწორედ საჩუქრების მიღება-გაცემა ხდის. ამიტომ ბევრს ნუ ინერვიულებ, მთავარია, შფოთს არ აჰყვე და ქაოსში არ გაერიო. ონლაინ სივრცე სავსეა ნივთებით, რომლებსაც საჩუქრებად აქცევ და არც ამ ახალ წელს დაგრჩება არვინ ნაწყენი. და როცა შენს საჩუქრებსაც გახსნი და მიხვდები, რომ შენზეც იზრუნა ვიღაცამ, ზუსტად მაშინ იგრძნობ, რომ ახალი წელი უკვე დადგა.

ბლოგი მომზადებულია ელექტრონული კომერციის ასოციაციის მხარდაჭერით.