წელს ახალი წლისთვის საქართველოში განსხვავებულად ვემზადებით. თუ აქამდე ნაძვის ხის განათებასა თუ სათამაშოების ფერზე ვფიქრობდით, ამ წლის მიწურულს ჩვენი ეროვნული ღირებულებების დაცვისკენ ვართ მომართულნი. ქუჩაში დაწყებული საპროტესტო აქციის ტალღა ნელ-ნელა მთელ ქვეყანას მოედო და ბევრი სახლის, დაწესებულებისა თუ კომპანიის კედლებშიც შეაღწია. გაფიცვას მსხვილი, საშუალო და მცირე ბიზნესის წარმომადგენლებიც შეუერთდნენ და თუ აქამდე ყოველ დეკემბერს თბილისის ქუჩებში საშობაო ბაზრობაზე თავიანთ პროდუქციას ლამაზად განათებულ დახლებზე გამოფენდნენ ხოლმე, წელს უარი თქვეს ამ ღონისძიებაში მონაწილეობაზე. ამ ჟესტით მათ დაამტკიცეს, რომ ბიზნესები საზოგადოებისგან განცალკევებით არ დგანან და ისინიც თავიანთ წვლილს შეიტანენ ქვეყნის ღირებულებების დაცვაში. მართალია, მათი საქციელით ყველანი აღფრთოვანებულები ვართ, მაგრამ არ უნდა დაგვავიწყდეს ისიც, რომ კომპანიების ეს ნაბიჯი მათ გარკვეულ ფინანსურ ზიანს მიაყენებს. ზოგიერთი მათგანისთვის საშობაო ბაზრობაზე მონაწილეობა არსებობის გაგრძელების ტოლფასიც კია. ამიტომ ჩვენ ჩვენი წილი სოციალური პასუხისმგებლობა უნდა ავიღოთ და როცა საახალწლო საჩუქრების სიის შედგენას შევუდგებით, პირველ რიგში მათ პროდუქციას უნდა გადავხედოთ.

მსგავსი ბიზნესებისთვის შეიქმნა პლატფორმა happyeuyear.ge, რომელიც 12 კატეგორიის 120-მდე მეწარმეს აერთიანებს. აქ შეგიძლიათ შეარჩიოთ ტანსაცმელი, სამკაულები, აქსესუარების, ნატურალური კოსმეტიკა, საახალწლო დეკორაციები, ხელნაკეთი სათამაშოები, საახალწლო ტკბილეული, ღვინო და სხვ. სია მალ-მალე ახლდება და მსურველებს ბიზნესის დარეგისტრირება ამ ბმულიდან შეგიძლიათ. რაც მთავარია, ყველა ბიზნესი ქართულია და მათთან შეძენილი თითოეული ნივთი ქართული ეკონომიკის ხელშეწყობას ნიშნავს.

ჩვენ ვიზიარებთ აღნიშნული ბიზნესების სულისკვეთებას და დაარსების დღიდან მხარს ვუჭერთ ქართულ სტარტაპებს. ზემოთ აღნიშნული ბიზნესების ნაწილთან ონვეი დიდი ხანია თანამშრომლობს. ალბათ, ბოლო თვეებში განვითარებული მოვლენებიდან გამომდინარე საახალწლო საჩუქრების შეძენა თქვენც ბოლო წუთებში მოგიწევთ, მაგრამ ნუ ინერვიულებთ, მაღაზიებისა და პროდუქციის სია ამ საიტზე უკვე მოგიმზადეს, ჩვენ კი თქვენს შეკვეთას საქართველოს ნებისმიერ წერტილში დროულად მოგიტანთ.