თანამედროვე ბიზნეს გარემოში, უდიდესი მნიშვნელობა ენიჭება მომხმარებელთა კმაყოფილებას და მათთან მუდმივ კომუნიკაციას.
ჩვენ, როგორც განვითარებაზე ორიენტირებული კომპანია, მუდმივად ვცდილობთ ვიყოთ აქტიურ კომუნკაციაში, როგორც ჩვენს პარტნიორ ონლაინ მაღაზიებთან, ასევე საბოლოო მომხმარებლებთან (გზავნილის ადრესატებთან).
ამანათების მიწოდების პროცესში განსაკუთრებით მნიშვნელოვანია ვიცოდეთ, თუ როგორ აფასებს მიმღები სერვისს, სწორედ ამიტომ, დავნერგეთ ახალი ფუნქციონალი - ადრესატის მიერ მომსახურების შეფასება.

როგორ მუშაობს ადრესატის მიერ გზავნილის შეფასების სისტემა?

• შეაფასოს მომსახურების ხარისხი
• მიწოდების სისწრაფე
• დატოვოს კომენტარი მიღებული გამოცდილების შესახებ

ახალი სისტემა საშუალებას აძლევს ნებისმიერ ადრესატს შეაფასოს მიღებული მომსახურება, მიუხედავად იმისა, არის თუ არა ის რეგისტრირებული ონვეის ციფრულ პლატფორმაზე.
ამ გზით ვიღებთ პირდაპირ უკუკავშირს ყველა იმ ადამიანისგან, ვინც ჩვენი სერვისით სარგებლობს.

ახალი უკუკავშირის სისტემა წარმოადგენს მნიშვნელოვან ნაბიჯს სხვადასხვა მიმართულებით:

ადრესატებისთვის:

• პრობლემების შემთხვევაში, მარტივდება მათი გამოვლენა და მოგვარება
• ამანათის მიღების გამოცილება ხდება პერსონალიზებული, რაც საბოლოოდ ზრდის კმაყოფილებას

ონვეისთვის:

• უშუალოდ საბოლოო მიმღებებისგან ვიღებთ რეალურ ინფორმაციას მომსახურების ხარისხის შესახებ 
• შეგვიძლია ადრეულ ეტაპზევე გამოვავლინოთ და აღმოვფხვრათ პოტენციური ხარვეზები

პარტნიორი კომპანიებისთვის (ონლაინ მაღაზიებისთვის):

• უმჯობესდება მათი საბოლოო მომხმარებლის გამოცდილება
• იზრდება ნდობა მთლიანი მიწოდების ჯაჭვის მიმართ
• ძლიერდება მომხმარებელთან კავშირი

ჩვენი მიზანია, შევქმნათ ისეთი ეკოსისტემა, სადაც თითოეული მხარე: ონლაინ მაღაზია, ადრესატი და ჩვენ, როგორც მიწოდების სერვისი, ვიმუშავებთ ჰარმონიულად, გამჭვირვალედ და ეფექტურად.თითოეული ამანათი კი მიაღწევს დანიშნულების ადგილს "თავდაპირველი სახით" - ზუსტად ისე, როგორც მომხმარებელს წარმოედგინა.
მომავალში ამ ფუნქციონალის განვითარებით შევძლებთ კიდევ უფრო მეტი ანალიტიკური მონაცემის შეგროვებას და დამუშავებას, რაც საშუალებას მოგვცემს შემოგთავაზოთ უფრო დახვეწილი, სწრაფი და ინდივიდუალურ საჭიროებებზე მორგებული მომსახურება.