„უფასო მიწოდება“ სინამდვილეში უფასოა?

ბევრი კვლევა აჩვენებს, რომ სიტყვა „უფასო“ ჩვენს ტვინში პატარა ფოიერვერკებს იწვევს. ფსიქოლოგი დენ არიელი თავის წიგნში “Predictably Irrational” წერს, რომ „უფასო“ ამცირებს რაციონალურობას და აიძულებს ადამიანს გადაჭარბებული გადაწყვეტილება მიიღოს. მაგალითად, როცა ონლაინ მაღაზია გვიწერს: „უფასო მიწოდება 200 ლარს ზემოთ“, უცებ გინდა კიდევ რაღაც დაამატო კალათაში, მხოლოდ იმიტომ, რომ გგონია ეკონომიას აკეთებ.

“შეზღუდული რაოდენობა დარჩა!” – ფომოს ეფექტი

FOMO (Fear Of Missing Out) თანამედროვე მარკეტინგის საყვარელი იარაღია. როცა ხედავ წარწერას: „ბოლო 2 დარჩა მარაგში!“ ან „ეს შეთავაზება იწურება 3 საათში“, შენი ტვინი გადადის გადარჩენის რეჟიმზე და ჩურჩულებს: „თუ არ იყიდი, ვეღარასდროს ნახავ“. სინამდვილეში კი, ალბათ, იგივე ნივთი ხვალაც იქნება მარაგში.

ისე ჟღერს, თითქოს შანსი ხელიდან არ უნდა გაუშვა, მაგრამ ხშირად ჩვენ ვყიდულობთ ორ პირსახოცს მხოლოდ იმიტომ, რომ მეორე “უფასოდ” მოგვცეს. რეალურად კი არც ერთი გვჭირდებოდა.

როგორ გავუმკლავდეთ ამ ხრიკებს?

• სანამ იყიდი, ჰკითხე საკუთარ თავს: „მართლა მჭირდება?“
• დაალაგე სასურველი ნივთების სია და დაელოდე 24 საათი. ძალიან ხშირად მეორე დღეს აღმოჩნდება, რომ ის „სასწრაფოდ საჭირო“ ნივთი დიდად აღარ გჭირდება.
• გამოიყენე აპები და საკურიერო  სერვისები, მაგალითად ONWAY, რათა არ გახდე ცდუნების მსხვერპლი ფიზიკურ მაღაზიაში და ზუსტად ის მიიღო, რაც გჭირდება.