დღეს ონვეის კიდევ ერთ თანამშრომელს გაგაცნობთ, ამჯერად მომხმარებელთა მხარდაჭერის გუნდიდან. მარიამი 2 წლის წინ შემოგვიერთდა ქოლ-ცენტრის ოპერატორის პოზიციაზე და როგორც გვიზუსტებს, მის საქმიანობაში გამორჩეულად უყვარს ადამიანებზე ზრუნვის ნაწილი.

დღის განმავლობაში ათობით ზარს პასუხობს, გულისყურით ისმენს მომხმარებლის საჭიროებებს და პრობლემური შემთხვევებისას ყოველთვის ცდილობს მოძებნოს მათი აღმოფხვრისთვის ეფექტური გზები. ყოველივეში კი ემპათიის უნარი ეხმარება - თავი ჩააყენოს სხვის მდგომარეობაში და ამ მხრიდან შეხედოს სიტუაციას.

სამსახურის გარეთ, დროის უმეტეს ნაწილს მეგობრებს, ვარჯიშსა და ძაღლებთან ურთიერთობას უთმობს, რაც საუკეთესო განტვირთვის საშუალებაა მისთვის.

უცნაურ სუპერძალასაც ფლობს, რომლის შესახებაც სულ ახლახანს გაგვიმხილა ინფორმაცია, როგორც მარიამმა გვითხრა, ხშირად კარგავს საჭირო ნივთებს, თუმცა კრიტიკულ მომენტებში აუცილებლად პოულობს მათ, მაგალითისთვის ერთ-ერთი მოგზაურობის ამბავს იხსენებს, სადაც პასპორტი დაკარგა, ეს ფაქტი კი მხოლოდ უკან დაბრუნებისას, აეროპორტში აღმოაჩინა, საბედნიეროდ, სუპერძალები მოაბილიზა და ყველაფერი კარგად დამთავრდა.

დასასრულს ის ღირებულებებიც გაგვიზიარა, რაც ამ წლების განმავლობაში ონვეისთან აკავშირებს და მათგან გამოარჩია პატივისცემა - ,,ეს არის ის გამორჩეული ღირებულება, რასაც ეყრდნობა ჩემი ხედვები, ონვეის კორპორაციული კულტურა და თანამშრომლებს შორის ურთიერთობა''.