დღეს გიორგის გაგაცნობთ, კურიერის პოზიციაზე 8 თვის წინ შემოგვიერთდა და გასაუბრებაზე საინტერესო ფაქტიც გაგვიმხილა მის შესახებ - საქართველოს პრიზიორია სამბოში.

მართალია, ჯერ ონვეიში ამანათებთან ჭიდაობა არ დასჭირვებია, მაგრამ ვფიქრობთ, მოქნილობა და ტაქტიკა რაც ამ სპორტს სჭირდება, კურიერის საქმიანობაშიც გამოადგება.

უყვარს ადამიანებთან ურთიერთობა და კურიერის პროფესიაც ამიტომ აირჩია, ონვეიზე არჩევანი კი საერთო ღირებულებების გამო შეაჩერა.

თავისუფალ დროს მეგობრებსა და ოჯახს უთმობს, რაც ერთგვარი განტვირთვაა მისთვის.

გიორგის ვთხოვეთ ონვეი ადამიანად წარმოედგინა და ასე დაგვიხასიათა: ,,ონვეი, რომ ადამიანი იყოს, ახალგაზრდა, წარმატებული ქალი იქნებოდა, მიზანდასახული და მშრომელი, რომელიც მზადაა ყველა გამოწვევისთვის''.

სამუშაო პროცესში ხშირად მოსმენილი ფრაზაც დაგვისახელა და ეს სიტყვა ,,განაშთეთ'' აღმოჩნდა. 

ბოლოს, პატარა რჩევაც დაგვიტოვა მათთვის, ვინც კურიერის პოზიციაზე აპირებს დასაქმებას:,,თუ ამ პროფესიას აირჩევთ, მზად იყავით აქტიური კომუნიკაციისთვის, როგორც გუნდთან, ასევე მომხმარებლებთან, ჩართულობა დაგეხმარებათ უკეთ გაიგო მომხმარებლის და გუნდის საჭიროებები''.