გადავწყვიტეთ ეტაპობრივად გაგაცნოთ ის საოცარი, მშრომელი და ერთგული ადამიანები, ვინც ონვეის უკან დგანან.

დღეს ანას შესახებ მოგიყვებით, კურიერის პოზიციაზე 2 წლის წინ შემოგვიერთდა, ჯერ კიდევ მაშინ, როცა ქალი კურიერების ხილვა ბევრისთვის გაოცებას იწვევდა, დღეს კი ბევრ საპასუხისმგებლო საქმესთან ერთად ერთად, ბებიობასაც წარმატებით ართმევს თავს.

როგორც ანა გვიზუსტებს, პროფესიის არჩევაში მოგზაურობისადმი სიყვარული დაეხმარა.

თავისუფალ დროს აქტიურად სტუმრობს ახალ-ახალ ადგილებს და მოგზაურობს ქალაქიდან-ქალაქში, ქვეყნიდან-ქვეყანაში.

ჰობიდან გამომდინარე ვკითხეთ, წარსულში მოგზაურობა რომ შეძლებოდა თუ ვის მიუტანდა ამანათს, რაზეც გვიპასუხა, რომ ეს ადამიანი აუცილებლად თამარ მეფე იქნებოდა, ისიც გაგვიმხილა, რომ უდიდეს პატივს სცემს მას, როგორც ძლიერი ქალის სიმბოლოსა და ისტორიულ ფიგურას.შემდეგ, მომავალში მოგზაურობაც შევთავაზეთ, ინფორმაცია გვაინტერესებდა იმ საოცნებო ტრანსპორტის შესახებ, რომლითაც სიამოვნებით ჩამოარიგებდა გზავნილებს, ასეთი ტრანსპორტი კი არც მეტი, არც ნაკლები ვერტმფრენი აღმოჩნდა.

ბოლოს ვთხოვეთ გაეზიარებინა ჩვენთვის თუ რა აერთიანებს მას და ონვეის, რაზეც გვიპასუხა რომ, თანადგომა და გულისხმიერებაა ის ყველაზე მნიშვნელოვანი ღირებულება, რაც კომპანიასთან აკავშირებს.

სწორედ ამ თვისებებს გამოარჩევს კოლეგებშიც და პატარა რჩევასაც უზიარებს მათ, ვინც ფიქრობს პროფესიის შეცვლაზე:

,,არ აქვს მნიშვნელობა რა პროფესიას აირჩევთ, აუცილებლად პასუხისმგებლობით მოეკიდეთ ნებისმიერ საქმეს, რომელსაც ხელს მოკიდებთ და თუ გეტყვიან, რომ რაღაც არ გამოგივათ, რაღაცას ვერ შეძლებთ, ნუ დაიჯერებთ, შრომითა და მონდომებით ყველაფერი შესაძლებელია".