ჩვენი საფეხბურთო გუნდი მასტერლიგა 3-ის სეზონის ჩემპიონია! 

როგორც ყოველდღიურ საქმიანობაში, საფეხბურთო მოედანზეც გამოვავლინეთ ის ფუნდამენტური ღირებულებები, რომელზეც ჩვენი კომპანია დგას - პროფესიონალიზმი, გუნდური სულისკვეთება, ურთიერთპატივისცემა, ერთმანეთის მხარდაჭერა რთულ მომენტებში.

ამ ყოველივემ კი მოგვიტანა შთამბეჭდავი შედეგები:

16 მატჩიდან 14 გამარჯვება

76 გატანილი გოლი - ჩემპიონატის საუკეთესო მაჩვენებელი

ჯამურად მოპოვებული 42 ქულა

გუნდურობის დამსახურებაა ინდივიდუალური მიღწევებიც, ჩემპიონატის საუკეთესო ბომბარდირი - კოტე ლურსმანაშვილი გახდა (32 გოლი), Საუკეთესო ასისტის ავტორებიც ონვეის შემადგენლობით დაკომპლექტდა: დავით ქარსელაძე - 18 საგოლე გადაცემა, გიორგი ვაზაგაშვილი - 15 საგოლე გადაცემა და კოტე ლურსმანაშვილი - 9 საგოლე გადაცემა ⚽

მადლობა ყველა ფეხბურთელს შრომისმოყვარეობისა და გუნდური სულისკვეთებისთვის, მათთან ერთად ასევე განსაკუთრებულ მადლობას ვუხდით ადამიანებს, რომელთაც დიდი წვლილი მიუძღვით ამ წარმატებაში:

თამარ გოგოლაშვილს - კომპანია "ონვეის" დამფუძნებელს

დავით ქარსელაძესა და ბექა გოგოლაშვილს - საფეხბურთო გუნდის დამფუძნებლებს

ალექსი თელიაშვილს - გუნდის მთავარ მწვრთნელს

და ყველა გულშემატკივარს, ვინც ამ პერიოდის განმავლობაში გვამხნევებდა.

წინ სუპერთასის გათამაშება გველოდება, აქაც მთელი ძალით ვიბრძოლებთ წარმატებისთვის და გვჯერა, რომ ჩვენი ერთიანობა კვლავ გამარჯვებამდე მიგვიყვანს.