ბოლო წლებში საქართველოში ძალიან პოპულარული გახდა ონლაინ ვაჭრობა. ქართული ბიზნესები არა მხოლოდ ქვეყნის შიგნით, არამედ საზღვარგარეთაც ყიდიან თავიანთ პროდუქციას. მათი საქმიანობის გასამარტივებლად შეიქმნა ვებ-გვერდი Storera.ge. Storera, რომელსაც ადრე მომხმარებლები B2C.ge-ს სახელით იცნობდნენ, არის ელექტრონული კომერციის პლატფორმა, რომელიც საშუალებას გაძლევს შექმნა საკუთარი ონლაინ მაღაზია და დაიწყო გაყიდვა მთელს მსოფლიოში. მისი დახმარებით შეგიძლია წამოიწყო, გაზარდო და მართო შენი ონლაინ ბიზნესი. Storera-ზე მარტივად შექმნი ონლაინ მაღაზიას, მართავ პროდუქტებს, გადახდებს, მიწოდებას და გაყიდი ნივთებს ყველგან. რაც მთავარია, ამისთვის განსაკუთრებული ტექნიკური ცოდნა არ გჭირდება, რადგან საიტზე ჩაშენებულია ყველა საჭირო ფუნქციონალი.

ონვეიში მომხმარებლებს თანამედროვე ტექნოლოგიებზე დამყარებულ მომსახურებას ვთავაზობთ. ჩვენ ვქმნით მრავალფუნქციურ საკურიერო პლატფორმას, რომელიც პასუხობს თქვენს ინტერესებსა და საჭიროებებს, სწორედ ამიტომ Storera-ს მომხმარებლებს უკვე ჩვენი ფლაგინითაც შეუძლიათ სარგებლობა. თუ ამ ფუნქციის გამოყენება გსურს, ონვეის საიტზე შექმენი ექაუნთი, Storera-ზე კი მიწოდების მოდულში აირჩიე ONWAY.

ყველა ის მონაცემი, რომელიც სტორერასთვის დაგჭირდება, შეგიძლია ონვეისგან მიიღო, ამისთვის საჭიროა მოგვწერო მეილზე info@onway.delivery.

ჩვენი ფლაგინის დაინსტალირების შემდეგ, გადაგზავნის ღილაკს რომ დააჭერ,  შენს მაღაზიაში შემოსული შეკვეთები აისახება ჩვენთან, სისტემა კი დაგიბრუნებს თრექინგის ნომერსა და ამანათის სტატუსს. შეკვეთის ადმინისტრირებას კი საიტიდან, შენს კაბინეტში მარტივად შეძლებ.

სანამ საკუთარ ონლაინ მაღაზიას გააკეთებ, მცირე ინფორმაციას კომერციის ყველაზე ნაცნობ მოდელზე, B2C (Business to Consumer)-ზე გაგაცნობთ. იგი მოიცავს ინდუსტრიების ფართო სპექტრს საცალო ვაჭრობიდან და ელექტრონული კომერციიდან დაწყებული, სერვისებითა და გართობით დამთავრებული. 

B2C მოდელი წარმოადგენს ტრანზაქციებს, რომელთა დახმარებითაც ბიზნესი ყიდის საქონელს ან მომსახურებას პირდაპირ მომხმარებლებზე. ყიდვა-გაყიდვის პროცესი მიმდინარეობს სხვადასხვა არხებით, იქნება ეს ფიზიკური მაღაზიები, ონლაინ პლატფორმები, მობილური აპლიკაციები თუ სოციალური ქსელები.